Sadyang mapaglaro ang pagkakataon, kasabay nito ang larong ating sinimulan, ngunit sa paglipas ng mga panahon ang bawat laro ay may katapusan, minsan dahil sa dayaan kaya ito nagtatapos, minsan naman dahil nagpagod lang. Sa bawat laro, may panalo, may talo, pero minsan patas lang. 

Sa larong ito, alam ko ako ang talo, kayat sumusuko na ako at tuluyan ko nang itinataas ang puting banderang sumasagisag sa aking pagsuko. Kayat sanay maging masaya ka sa lahat ng lakbayin na iyon tatahakin. Maraming Salamat sa lahat. 

Hindi ko alam kung kelan nagsimula ang lahat ng ito, hindi ko alam kung kelan ako nagsimulang maging baliw ng ganito, pero isa lang ang alam ko, nagmahal ako, nagmahal ako ng tapat, ibinigay ko lahat ng kaya kong ibigay, at hindi ko pinagsisihan ang lahat ng mga nangyari, lahat ng mga nagawa ko, lahat ng isinakripisyo ko maitaguyod ko lang itong pag-ibig na ito. Masakit isipin na sa bawat hakbang na aking ginagawa ay may kailangan akong isakripisyo, masakit isipin na sa bawat lakbayin ko ay kailangan ko isaalang alang lahat ng sitwasyon, lahat ng bagay, lahat ng tao… Lahat ng mga taong nakapaligid sakin, na sa konting pagkakamali ko lang ay napunan na ang kabutihang aking nagawa, napunan na ang bawat ligayang aming pinagsamahan. Dahil sa maling desisyon ko lang ay andyan na kagad ang panghuhusga, na kahit anong paliwanag na aking sabihin ay hindi na pinakikinggan. 

Sa isang relasyon, minsan kelangan mo magsakripisyo ng isang bagay, kahit na ito ay magiging dahilan ng kalungkutan at maaring magdulot ng kabiguan sa sa iyong minamahal. Ginagawa mo ito hindi upang saktan siya, kundi dahil ayaw mo lang maguluhan siya sa mga nangyayari at isa pa… dahil mahal mo siya. Hindi man nya ito maintindihan at intindihin sa ngayon, pero alam mo sa sarili mo na ginagawa mo lang ito para sa kanya kahit sa loob mo ay nangingibabaw ang sakit at pighati. Masakit na isipin na kelangan mo pang magsakripisyo, pwede namang hindi. Pero dahil dito, mapapatunayan mo sa kanya at sa sarili mo kung gaano kawagas ang iyong pagibig sa kanya, na kahit ang simpleng kaligayahan mo ay kaya mong pakawalan para lang sa ikakapanatag niya. :’(